24 ديسمبر 2009 ~ 0 تعليق

فلاح بن مبرد الحميداني – الرفقه

{ الرفقه }

يا عارف الرفقه بحالٍ وحالي

يجهلك واجبها ليا ناش الارباح

وشلون صرت اول رفيقٍ وتالي

من توعده ممساك لك عنه مصباح

لاصار ما يركب رشاك المحالي

كف الكلام وتقضي الوقت مرتاح

هرجٍ على غير الحقيقه وبالي

مثل السراب ليابس الكبد ضحضاح

يالناقلٍ صنع اليمن با لشمالي

عن مكسب المنقود يلهيك مسباح

لاتحسب ان الطيب مثل الضلالي

امنين مادارت له البينه زاح

المختفي تظهر خفاه الليالي

تفتق ذرا المبنى بهبات الارياح

يصفق هواها كل طامن وعالي

وكم واحدٍ لاهب نسناسها طاح

يعطيك ماض الوقت فرق الرجالي

وش لزمة الدنيا بتخليد الارواح

كم صاحب اسمٍ حي والعظم بالي

وكم ميتٍ بالناس للقبر ما راح

مرضيه عن تاليه طيبٍ خيالي

ماسولف ه غيره مع الناس مداح

ينساه عند اللازمات الموالي

تقصر يمينه عن بعيدين الاشباح

الا على النمه يجي بحتمالي

مثل الهنوف اللي تزين للافراح

له عند غيبات النشاما مدالي

يمناه ماتفعل ولا هد بسلاح

تلقى حصيله مع زميله يشالي

قفل الردي له مع هل الشين مفتاح

يبون دفن الطيبه بالهزالي

اللي لهن عند الموازين مرجاح

لعل عشاق الردى لزوالي

يعطى الوداع من اسرة البيت بصياح

فلاح بن مبرد الحميداني – الرفقه

Share
Tags: , , , , , , , , , , , ,


Leave a Reply